viernes, 26 de diciembre de 2014
NADAL QUE ME MATA 1
Cando a noite se pon solitaria,
e as tellas descubren que escampa,
todos somos un a loitar contra o frío,
tendendo tanto a man coma as mantas,
para logo repartires apertas sumarias,
coma reaccionarios que non bulen,
que non treman nin achantan.
Mentres esgarrafexa o lume as súas bágoas,
debaixo doutras tellas mal telladas,
incapaces xa de aquelar,
a teima fachendosa do egocentrismo,
que se enxendra na illa aillada,
e se rega coa vaidade zugada da incomunicación.
jueves, 18 de diciembre de 2014
viernes, 19 de septiembre de 2014
PODE PASAR ...
¡
Pode pasar !
que
pases, que pase, que pasen de todo
que
só vivas para brincar e botar un grolo,
pode
pasar.
¡
Pode pasar !
que sexas ti o que faga de suplente,
ou que non o intentes, e o que o intente que leve nos dentes,
pode que podería que pudiera pasar.
que sexas ti o que faga de suplente,
ou que non o intentes, e o que o intente que leve nos dentes,
pode que podería que pudiera pasar.
Pode
pasar, e se pode pasar, pasará.
Pode
pasar, que as frores biquen os coitelos,
pode
pasar, que caian as lousas dos cruceiros,
pode
pasar, que a teima che tire dos pelos,
pode
pasar, que non queiras despertar dese pesadelo,
no
que te fas amigo íntimo do demo.
¡Pode
pasar!
pode pasar, que revente a presa,
que retén a miña xenreira,
esnaquizando todo ao seu paso,
queira deus ou non queira,
pode pasar, que revente a presa,
que retén a miña xenreira,
esnaquizando todo ao seu paso,
queira deus ou non queira,
pode
pasar.
¡Pode pasar!
pode pasar, que decaia o ánimo,
e a bravura se vaia esvaecendo,
¡Pode pasar!
pode pasar, que decaia o ánimo,
e a bravura se vaia esvaecendo,
na
néboa pecha dun global desalento,
pode pasar.
¡Pode pasar!
pode pasar, que ter ideais,
pode pasar.
¡Pode pasar!
pode pasar, que ter ideais,
sexa
visto coma un exceso de fachenda,
e
non me deixen voltar ao rabaño,
o
resto das ouvellas.
E
como che iba dicindo se pode pasar, pasará,
que
pase ou que non pase, tamén esta na túa man.
sábado, 22 de marzo de 2014
COMA OS PAXAROS
Adicado a Naci e Israel pola súa voda
Veñen !
Veñen en marzo coma os paxaros,
a piar ás portas dos nosos corazóns mollados,
veñen e engalanan o tempo co seu doce canto namorado.
Veñen en marzo coma os paxaros,
a piar ás portas dos nosos corazóns mollados,
veñen e engalanan o tempo co seu doce canto namorado.
Tiran de morriña,
cando os refachos de futuro do vento do noroeste,
os van afastando do agarimo das súas casiñas.
cando os refachos de futuro do vento do noroeste,
os van afastando do agarimo das súas casiñas.
¡ E volven !
Volven tamén coma os paxaros,
de cando en vez, de vez en cando,
para aniñar na terra de onde son nados.
Volven tamén coma os paxaros,
de cando en vez, de vez en cando,
para aniñar na terra de onde son nados.
Volven porque eles xuntos,
pintan a única cor que realmente nos aleda,
esa cor que lle da vida á primavera.
pintan a única cor que realmente nos aleda,
esa cor que lle da vida á primavera.
domingo, 12 de enero de 2014
A CARÓN DO ULLA
Adicado aos meus
bisavós
Nacín a carón do Ulla
aquela cando o inverno era inverno
e a primavera era verán,
olleite termando dunha candea
na romaría do Gundián.
Marchei ó xornal a vendimar a Rivadulla,
e ao albiscarte fiquei quedo e aterrado,
no medio da festa do Patio.
A chuvia fíxose co vento,
e a suba do río Prevediños,
impediu que te vira en Foxás
polo San Breixo.
Grazas ao pulo que me deu o viño da Paderna,
arranqueime a roubarche o noso primeiro baile,
se preguntas ós mozos de Arnois
aínda se lembran.
Logo viñeron as noites longas de espiño,
e eu laiábame do lonxe que ías moer,
do noso pequeno muíño.
Tardou en chegar a Santa Eulalia de Vedra,
co medo intenso de te atopar,
e que xa de min te esqueceras.
Nin San Vicente de Boqueixón,
nin o Pico de xaneiro,
coa túa madriña encamada,
sementei o centeo co corazón adoecendo.
Foi en Rivadulla, polo San Blas,
cando tremías ao atoparme entre a xente,
como a lapra da lareira
cando se deixa a porta da eira aberta,
e releábasme o baile sempre ata as últimas pezas.
Polos carnavais xa che tiña adicada unha regueifa,
só che me faltaba o cabalo,
para ir de xeneral a cantala á túa aldea.
Cando cheguei á festa da Virxe da Fonte,
andabas a bisbar de min coas mozas,
argallamos alí en Pousada,
para vernos no Pico de Maio a soas.
Só te puiden visitar polo San Xoán,
a herba seca non entendía de festas,
e San Paio de Codeso fóisenos coa sega.
No Santiaguiño de Vilanova de Vedra,
todo era un non parar de mirar e desexar,
e cando a cousa se puxo máis seria,
a lúa non se esquecera da hora de marchar.
Esfolei sete vastos carros, antes,
de que o San Ramón da Ponte viñera,
e na Illa dos Namorados,
chantei desesperado o xeonllo na terra.
Un murmurio trouxeran xa,
do permiso que che dera teu pai,
os últimos aires quentes do verán,
cando de volta te estaba bicando,
ti termabas dunha candea subindo o Gundián.
Suscribirse a:
Entradas (Atom)