NON A MAGOES

Ela, nai en potencia,
NAI,
elemento imprescindible
para a vida,
colo que achega
de pel tecida polas bolboretas.

Tí, enxendro de besta,
sumando que quita,
recoñece o feble que eres,
tí, que non a mereces,
arrédate de ela para sempre.

A repelo

Sono espeso,
de paseniña andaina,
cor que aniña na fame,
misterio estrelado,
aneurisma de segredo.

Peto de pouco,
persoeiro que esnaquiza o medo,
trincheira para o esquezo,
amaño por trebello,
cata de dor
para un corpo solidario.

Castelo de sorrisos,
foliada que esfola,
outeiro de val da memoria,
onda que racha,
pedra que dobra,
coitelo que percibe o son da esmola.

Arume canso,
fachenda torta.